SINATURA DO ANEXO PARA O ANO 2019 AO CONVENIO ENTRE O CONCELLO DE ARBO E A ASOCIACIÓN CULTURAL POLIFONICA DE ARBO, asinado con data 8 de novembro de 2016

A contía para este ano 2019 para a Asociación Cultural Coral Polifónica de Arbo incrementouse ata o importe de 1.500,00 €.

O CONCELLO DE ARBO ALUGA UNHA PARCELA   NO ENTORNO DO CENTRO DE SAUDE PARA APARCADOIRO MUNICIPAL

O inmoble atópanse situado no entorno do Centro de Saúde, Área Recreativa e Parque infantil de Turbela, do Centro de Interpretación do Viño e da Lamprea e do inmoble adquirido polo Concello para o punto de atención infantil e o centro de maiores, próximo ao centro urbano de Arbo, nunha zona con boas infraestruturas e accesibilidade. A proximidade destas parcelas ao casco urbano onde se sitúan os supermercados, comercios, praza de abastos, biblioteca, multiusos, constitúe unha zona moi concorrida e con escasos aparcadoiros, circunstancias que converten estas parcelas en ubicación idónea para convertelas en aparcadoiro, non solo pola súa proximidade, senón tamén pola súa superficie, accesos e a forma, que permitirían un maior aproveitamento, non existindo parcelas no entorno coas mesmas características.

O alcalde do Concello de Arbo, xustifica a necesidade e a idoneidade da parcela,  posto que o Centro de Saúde atópase situado fronte a vial provincial sen zonas habilitadas para aparcar, non existindo zona de estacionamento a menos de 700 metros. O alcalde manifesta que con estes aparcadoiros, localizados a escasos metros do Centro de Saúde  atenderíase a necesidade dos doentes que visitan diariamente o centro de ter unha zona para aparcar, o que permitiría que as persoas maiores e os cativos, en moitos caso enfermos e  impedidos non tivesen que desprazarse como o fan habitualmente andado e desta forma e dotando o centro de saúde de estacionamento gratuíto incluiríanse todos os servizos necesarios para o seu mellor benestar e saúde, mellorando o servizo público prestado e a súa calidade de vida aos usuarios.

O CONCELLO DE ARBO INSTALA PORTERIAS ABATIBLES DE FUTBOL 8 NO CAMPO MUNICIPAL DE ARBO

O Concello de Arbo, instala dúas porterías novas no campo de Fútbol Municipal de Arbo. As novas porterías son abatibles co obxetivo de favorecer o mantemento do cesped e para facilitar ao clube a súa retirada cando o campo de use para fútbol 11. Con esta adquisición tamén se facilita en gran medida ás tarefas de entrenamento dos diferentes equipo que utilizan a instalación , dando resposta as súas demandas.

A instalación destas porterías forman parte do plan municipal para mellorar as infraestruturas deportivas municipais, en meses anteriores xa se dotou a cantina do campo de auga quente, se colocaron medidas de seguridade nas porterías e se están realizando melloras nos vestiarios e no tellado do pavillón, entre outra melloras que se levan realizaron nos últimos anos

OS DEPUTADOS CARLOS LOPEZ FONT E OLGA M GARCIA BALLESTEROS VISITABAN XUNTO CO ALCALDE DE ARBO, HORACIO GIL AS OBRAS  DA  LOMBA

O Concello de Arbo e a Deputación Provincial melloraron a estrada provincial no barrio da Lomba – Mourentan do termo municipal de Arbo. Os Deputados Carlos Lopez e Olga M. García, achebanse ao Termino municipal de Arbo, para comprobar xunto co Alcalde do Concello de Arbo Horacio Gil, o remate das actuacións realizadas no entorno da estrada de titularidade provincial EP-5003, nas proximidades do seu cruce coa estrada EP-5205, no lugar de A Lomba. 

O Deputado Carlos Lopez, aseguraba que esta actuación é sobresaínte e vai na liña de ter como prioridade ás persoas e garantir a seguranza viaria nas estradas provinciais.

O Alcalde do Concello de Arbo, informaba que Estes traballos melloran a accesibilidade do treito e dotan de servizos á veciñanza da Lomba, repercutindo na súa calidade de vida.

Subvencións concedidas ao Concello de Arbo pola Excma. Deputación Provincial de Pontevedra no marco da “Convocatoria de subvencións a concellos destinadas á mellora dos montes mediante a creación de parques forestais” (BOPPO nº 243de 21.12.17):

Este Concello tras solicitude presentada no marco da Liña 1 da convocatoria do Ente Provincial para o ano 2018 resultou beneficiario da seguinte subvención por acordo da Xunta de Goberno do Ente Provincial de data 22.06.18:

*Subvención por importe de 5.488,56 € (70%) para a redacción do proxecto para a creación do parque forestal de “San Xoán de Arbo”, cun orzamento total de 7.840,80 €, sendo o importe de achega municipal de 2.352,24 € (30%). A redacción do referido proxecto foi encargada polo Sr. Alcalde á mercantil “SERVICIOS TÉCNICOS E OBRA DO RURAL S.L. -XIRELA” no importe de 7.840,80 €.

Este Concello tras solicitude presentada no marco  da Liña 2 da convocatoria do Ente Provincial para o ano 2018 resultou beneficiario da seguinte subvención por acordo da Xunta de Goberno do Ente Provincial de data 22.06.18:

*Subvención por importe de 38.271,74 € (70%) para levar a cabo as actuacións no parque forestal de “Bouza de Miguel”, cun orzamento total de 54.673,91  €, sendo o importe de achega municipal de 16.402,17 € (30%). As actuacións incluídas son: Implantación de medidas fronte incendios forestais: rozas e actuacións de eliminación das especies seucaliptus e pinus en faixas de defensa primaria, así como a mellora de valores naturais: formacións arbóreas, creación dunha zona de uso e aproveitamento da cidadanía: parque, incluída a sinalización e divulgación do parque. O orzamento por importe total de 54.673,91 € presenta o seguinte detalle:

Capítulo I: Rozas: 2.929,81 €

Capítulo II: Plantación: 3.083,92 €.

Capítulo III: Parque: 28.106,90 €.

Capítulo IV: Sinaléctica: 3.450,00 €

Capítulo V: Divulgación: 400,00 €

Total orzamento execución material: 37.970,63 €.

Beneficio Industrial 13%: 4.936,18 €.

Gastos Xerais 6%: 2.278,24 €

IVE 21%: 9.488,86 €

Total orzamento final: 54.673,91 €
 

A actuación foi contratada a través de licitación por procedemento aberto, con división en lotes, co seguinte detalle:

LOTE 1 Comprende os capítulos I e II de orzamento: actuacións sobre a vexetación (rozas e plantación)

Orzamento base de licitación IVE 21% excluído: 7.156,34 €. (IVE 21% 1.502,83 €)

Orzamento base de licitación IVE 21% incluído: 8.659,17 €.

LOTE 2: Comprende os capítulos III, IV e V de orzamento: as actuacións de creación área infantil, divulgación e sinalización

Orzamento base de licitación IVE 21% excluído: 38.028,71 € (IVE 21% 7.986,03 €)

Orzamento base de licitación IVE 21% incluído: 46.014,74 €.

O contrato para a execución das actuacións incluída no lote II foi adxudicado neste ano 2019 á mercantil “ZONA DE OBRA O ROSAL S.L.” no importe de 37.271,94 € (IVE incluído), atopándose pendentes de adxudicación as actuacións incluída no lote I, ao quedar deserto o procedemento aberto neste parte, e estar en tramitación un procedemento negociado sen publicidade conforme ao disposto na Lei 9/2017, de 8 de novembro, de contratos do sector público.

Dáselle publicidade a dito  cofinanciamento recibido da Deputación Provincial de Pontevedra para ditos fins, cumprindo coas obrigas establecidas nas bases da convocatoria do ano 2018.

 REMATADAS AS OBRAS DE PAVIMENTACIÓN DO ACCESO A PARAVEDRA, NA PARROQUIA DE MOURENTAN

Obras Incluidas no Plan Cocellos 2018-Anualidade 2019 da Deputación de Pontevedra

Arbo a agosto de 2019.- As obras de  mellora do acceso a Paravedra na parroquia de Mourentan, foron executadas segundo o proxecto.

O obxecto das obras consistiron na ampliación do vial existente para facer posible  o paso de vehículos polo mesmo.  A obras realizanse por mor do mal estado do vial mencionado donde o  firme atopase deteriorado e con fochancas en diversas zonas o que perigoso o paso de vehículos é peons

POLA XUNTA DE GOBERNO LOCAL DE DATA 15 DE XULLO DE 2019 APROBASE A PRORROGA DO CONTRATO DE PRESTACIÓN DOS SERVIZOS DE ANALISES DA AUGA DE CONSUMO HUMANO DO CONCELLO DE ARBO, A MERCANTIL “AKUNATURA DE OURENSE, S.L”

Recibido o día 17.06.19 (R.E. núm. 572) escrito de Marcos López Rodríguez con DNI: 44458427W, en representación da mercantil “AKUNATURA DE OURENSE S.L.”, con CIF núm. B-32.361.685, no que solicita de forma expresa  a prórroga ata o 16 de xuño de 2020, continuando así coa prestación do servizo iniciado no ano 2017,  do contrato de prestación do servizo de   “Análises de auga de consumo humano do Concello de Arbo”, adxudicado pola Xunta de Goberno Local de 22 de maio de 2017,  e formalizado e asinado o  16 de xuño de 2017.

Tendo en conta que con data 22.05.2017 e por acordo da Xunta de Goberno Local acórdase:

“1º  Adxudicar o contrato derivado de procedemento negociado sen publicidade tramitado para a adxudicación do "contrato de prestación dos servizos de  análises da auga de consumo humano do Concello de Arbo”, á mercantil “AKUNATURA DE OURENSE S.L.”, con CIF núm. b-32.361.685, nos termos de pormenor da proposta presentada  o día  20.04.17 e arriba referida, polo importe de 4.692,06  euros/ano máis 985,33 euros de IVE, facendo un importe total de 5.677,39 €/ano, o que daría  un importe total de 11.354,78 € (IVE incluído)  por dous anos, duración á que se estende o contrato, o que se lle debe comunicar en forma regulamentar co réxime de recursos legalmente establecido para que, no prazo de 15 días hábiles a contar dende o día  seguinte á notificación deste acordo, compareza no escritorio municipal co fin de formalizar o preceptivo contrato administrativo.

2º Dispor o gasto con cargo a aplicación orzamentaria 161.227 do orzamento prorrogado cara o exercicio 2017.

3º  Comunicar á referida mercantil que  tras a formalización do contrato administrativo iniciarase o prazo de execución do contrato, cuxa duración se fixa en  dous anos, podendo prorrogarse de forma expresa e por mutuo acordo das partes por períodos anuais, e ata un m´ximo de dúas prórrogas, sen que a duración máxima, incluídas as prórrogas, poida exceder de catro anos.

 4º Seguir trámites de publicidade que determina o art. 154 do Real Decreto Lexislativo 3/2011, de 14 de novembro, polo que se aproba o Texto Refundido da Lei de Contratos do Sector Público, a medio de anuncio na “Plataforma de Contratación e Galicia” e no “Perfil do contratante do Concello”, e no seu caso, no  “Boletín Oficial da Provincia”.

5º Comunicar á Tesourería Municipal que a garantía definitiva constituída polo adxudicatario en forma de ingreso en metálico  non poderá ser reintegrada ata que non se execute a totalidade do contrato e se cumpra este satisfactoriamente (cláusula 25ª do prego).

6º  Notificar o presente acordo á Intervención e Tesourería aos efectos de fiscalización e realización apuntamentos contables oportunos.”

Posto que con data 21.06.2019 emitiuse Informe de Secretaría en relación con lexislación aplicable e o procedemento a seguir para acordar a prórroga do contrato do servizo de  prevención de riscos laborais e vixilancia da saúde deste Concello.

E, con data 21.06.2019 emitiuse Informe da responsable do servizo municipal referido  sobre o cumprimento dos requisitos esixidos nos artigos 23 e 303 do Texto Refundido da Lei de Contratos do Sector Público, aprobado polo Real Decreto Lexislativo 3/2011, de 14 de novembro, e o importe da aprobación da prórroga.

Con data de 21.06.2019, a Intervención realizou a retención de crédito correspondente.

Considerando que a cláusula  Así no artigo 7º  do prego que rexeu nesta contratación, establécese:

“Artigo 7.- DURACIÓN DO CONTRATO.

A duración do contrato será de dous (2) anos contados a partires do día seguinte ao da súa formalización. O contrato poderá ser prorrogado de forma expresa e de mutua acordo por ambas partes por períodos anuais, e ata un máximo de dúas prórrogas. A duración máxima do contrato, incluídas as prórrogas, non poderá exceder dos catro (4) anos.

Non obstante, si finalizara o prazo de duración do contrato sen que se tivese realizado nova licitación, ou a mesma se retrasase, o contrato entenderase prorrogado mentres dure o procedemento de licitación.

O contratista está obrigado a cumprir o contrato dentro o prazo total fixado para a realización do mesmo.”

Ao abeiro do artigo 7º  do prego de cláusulas administrativas particulares,  visto os informes da secretaría-intervención de data 21 de xuño de 2019, así como o informe da responsable do servizo municipal da mesma data, e Proposta da Alcaldía de data 07.08.19, de conformidade coas facultades conferidas á Alcaldía polo art. artigo  21 da Lei 7/85, reguladora das bases do réxime local , DA 2ª do Real Decreto Lexislativo 3/2011, de 14 de novembro, de contratos do sector público,  e,  ao abeiro da D.A. 2ª do Real Decreto Lexislativo 3/2011, de 14 de novembro, polo que se aproba o Texto Refundido da Lei de Contratos do Sector Público, e en canto órgano de contratación por delegación da Alcaldía en Resolución de 01.07.15,  A XUNTA DE GOBERNO LOCAL, por unanimidade dos asistentes (4 votos, incluído o do Sr. Alcalde-Presidente), ACORDA:

1º.- Conceder a prórroga do contrato de prestación do servizo “Análise de auga de consumo humano do Concello de Arbo” á mercantil “AKUNATURA DE OURENSE S.L.”, con CIF núm. b-32.361.685, nos termos de pormenor da proposta presentada  o día  17.06.19 e arriba referida, polo importe de 4.692,06  euros/ano máis 985,33 euros de IVE, facendo un importe total de 5.677,39 €/ano, o que daría  un importe total de 11.354,78 € (IVE incluído)  por un ano

2º.- Comunicar á referida mercantil adxudicataria que esta prórroga non poderá estenderse máis aló do 17.06.2021

O Concello de Arbo colabora coa organización da Romería de San Fins na limpeza do entorno da Capela, accesos e zona de recreo.

REMATADAS AS OBRAS DE ACONDICIONAMENTO NA ESTRADA PROVINCIAL,  NO BARRIO DA  LOMBA DA PARROQUIA DE MOURENTAN - ARBO

Arbo, a 5 agosto  de 2019 – O Concello de Arbo e a Deputación Provincial melloraron a estrada provincial no barrio da Lomba – Mourentan do termo municipal de Arbo.