Presentación da Festa da Lamprea 2017

O CONCELLO DE ARBO PRESENTA NA CASA DE GALICIA A LVII FESTA DA LAMPREA, QUE TERÁ LUGAR O ÚLTIMO FIN DE SEMANA DE ABRIL DE 2017

 As instalacións da Delegación da Xunta en Madrid/Casa de Galicia foron o escenario elixido polo Concello de Arbo (Pontevedra) para presentar en Madrid a profesionais do sector turístico e medios de comunicación a “Tempada da lamprea 2017” e a “LVII Festa da Lamprea”, que terá lugar o último fin de semana de abril, do día 28 ao 30, por primeira vez como Festa de Interese Turístico Nacional.

Na presentación, que tivo lugar o pasado 8 de febreiro, interviñeron o alcalde de Arbo, Horacio Gil Expósito, o presidente do Consello Regulador Rías Baixas, Juan Gil Araujo, a directora xeral de Turismo, Nava Castro González, a secretaria de Estado de Turismo, Matilde Pastora Asián González, que pechou o acto, e o delegado da Xunta e director da Casa, José Ramón Ónega López.

Entre os asistentes ao acto estaban a directora da Escola Superior de Hostalería de Galicia,  o presidente da Fundación Segundo Gil Dávila, de Arbo, Antonio Vieitez, membros da corporación municipal de Arbo, representantes das bodegas de Arbo e do Consello Regulador Rías Baixas, Lorenzo Diaz e Josemi, pregoneros das últimas edicións da Festa da Lamprea e  periodistas e criticos gastronomicos de distintos medios de comunicación.

O delegado da Xunta en Madrid e director da Casa de Galicia, José Ramón Ónega, agradeceu ao alcalde Horacio Gil que trouxese á Casa a presentación da nova tempada e a LVII Festa da Lamprea, peixe prehistórico do que dixo que é “manxar que namora” e do que Arbo é capital, ademais de feudo do augardente “preparado de forma artesanal”. “A lamprea é un peixe máxico que en Arbo converten en comida de deuses”, valorou.

Tamen tivo palabras de recoñecemento para o municipio de Arbo, do que afirmou que “é un paraíso que combina o val do Deva e do Cea. A veciñanza de Portugal engade unha vocación de terra limítrofe que comunica, relaciona e comparte”. “Aquí os señores feudais construíron fortalezas e máis tarde os pazos exhibiron a súa planta señorial”, engadiu.

O alcalde de Arbo, Horacio Gil, sinalou que os “maiores bens” do seu municipio, de algo menos de 3.500 habitantes, son o viño e a lamprea, recurso este último do que lembrou que “leva existindo máis de 500 millóns de anos, é un dos primeiros vertebrados”, e que grazas á súa abundancia en Arbo especializáronse na súa preparación e levan xa 56 anos celebrando “unha das festas gastronómicas máis antigas de Galicia”. Resaltou que “o ano pasado declarouse esta celebración como Festa de Interese Turístico Nacional, polo que esta LVII edición celebrarémola coa cabeza aínda máis alta”.

“Eses días, a lamprea e o viño serán o centro de atención, que tamén despuntan en agosto, cando explotamos a versión seca deste peixe noutro evento, aínda que o resto do ano tamén hai boa e variada gastronomía, como é imperativo en Galicia”, engadiu o alcalde, que tamén sinalou outras posibilidades para gozar de Arbo, como o turismo rural, o deporte de aventura e “un gran patrimonio inmaterial cheo de lendas, crenzas e rituais de carácter místico e relixioso”. Así puido verse inmediatamente despois da súa intervención, coa proxección dun vídeo promocional sobre o municipio.

Juan Gil, presidente do Consello Regulador Rías Baixas, explicou que “para os devotos do viño, Arbo, xunto con toda a subzona do Condado e a Denominación de Orixe Rías Baixas na súa totalidade, ofrece algúns dos mellores brancos do mundo, sen esquecernos dos sorprendentes tintos ou dos emerxentes espumosos”. “Coa base do albariño como variedade principal, pero co concurso tamén das demais variedades desta marabillosa terra, Arbo pode presumir, coa cabeza moi alta, de ofrecer unha colección de viños que satisfarán aos máis esixentes consumidores”, mantivo.

A directora xeral de Turismo, Nava Castro, resaltou que “a Festa da Lamprea de Arbo recibiu a declaración de Interese Turístico Nacional o pasado ano, unha merecida distinción que demostra tanto a antigüidade, arraigamento e continuidade da festa como a súa singularidade” e que “esta festa é unha das celebracións gastronómicas populares con máis tradición e máis peculiares de Galicia, e contamos con máis de trescentas”. Castro referiuse á lamprea como “un dos produtos máis auténticos de Galicia”, que presentou unido a “os estupendos caldos de uva albariño do municipio”.

Expuxo así mesmo que en paralelo á Festa da Lamprea en Arbo celébranse distintas actividades “que permiten ao visitante gozar do mellor desta terra”. Tamén que en Arbo souberon sacar partido á lamprea durante todo o ano, a través da denominación seca. “Como complemento a esta festa, desde Turismo de Galicia creamos un novo produto turístico ao redor deste particular pescado e a súa captura, a Ruta da Lamprea” que combina numerosos recursos vinculados a este produto “en cada unha das zonas dos tres ríos nos que habita en Galicia, Miño, Tambre e Ulla” e que “potencia a oferta turística dos dezaoito municipios que a integran”, explicou.

Matilde Asián quixo mostrar coa súa presenza o apoio do Ministerio a esta festa gastronómica que se celebra desde 1961. A secretaria de Estado sinalou a visión turística de quen a iniciou e destacou a oferta de Arbo como destino turístico, declarando que “foi un pracer declarar Festa de Interese Turístico Nacional” á Festa da Lamprea. “A gastronomía é un elemento indisociable da experiencia turística e está estreitamente vinculada ao territorio, polo que iniciativas como esta contribúen positivamente ao sector turístico”, engadiu.

Arbo patrocina la Fiesta de la Lamprea en Fitur

Con el objetivo de promocionar más allá de la geografía gallega la popular y afamada fiesta de la Lamprea de Arbo, el Alcalde de este Concello pontevedrés asistió a Fitur 2017.

La Fiesta de la Lamprea, declarada de Interés Turístico Nacional, forma parte de los 11 eventos con este reconocimiento en Galicia.
Este año la fiesta de la Lamprea se celebrará de manera más especial por haber sido reconocida con este distintivo, un distintivo que reconoce tanto la antigüedad, como el arraigo y la continuidad de la fiesta desde el año 1961.
 
Con la participación del Concello de Arbo en Fitur se pretende potenciar e impulsar la promoción de la Lamprea y su fiesta, ya q su celebración supone un importante reclamo de atracción turística.
En su discurso el Alcalde, Horacio Gil, reconoció "que la fiesta de la Lamprea pretende rendir homenaje y agradecer a los pescadores, a los hosteleros, a los cocineros y cocineras, que han seguido cocinando la Lamprea a lo largo de tantos años y q transmitieron de padres a hijos las recetas para mantenerlas vivas. Y por supuesto a los medios de comunicación por transmitirlo y conseguir q la cultura de Arbo llegue a todas partes.
Horacio Gil, hizo referencia a las pesqueiras, las playas, los senderos, del patrimonio cultural e histórico, de los vinos con DO Rías baixas y de la ruta de la Lamprea, un proyecto turístico donde con la colaboración de la Agencia de Turismo de Galicia que pretende dar a conocer el importante patrimonio que rodea a la Lamprea y a su captura y q fue premiada en Fitur 2017 con el galardón "premios excelencia Gourmet" por el "grupo excelencia".
La intervención del Alcalde Horacio Gil, exalta el Concello De Arbo " Arbo es naturaleza, es paisaje, pero también cuenta con un patrimonio inmaterial lleno de leyendas, creencias, rituales, de carácter místico y religiosos donde el agua, las piedras y la Lamprea son los protagonistas de fascinantes historias, y para descubrirlas pero sobre todo para disfrutar de este pescado no hay mejor momento q la Fiesta de la Lamprea animo a todos los presentes a conocer Arbo y la Fiesta de la Lamprea".
La presentación de la fiesta tuvo una muy buena acogida en el stand de turgalicia en Fitur 2017

Geodestino Condado-Paradanta

GEODESTINO  CONDADO- PARADANTA

O pasado 23 de xaneiro, asinouse no Salón de actos do Concello de Ponteareas, o convenio para a creación do novo “geodestino” das Rias Baixas.

O convenio de colaboración entre os des concellos da comarca de Condado e Paradanta, que fai case un ano crear este novo produto turístico, foi aprobado polos plenos da corporación dos dez concellos. Esta rubrica permite poñer  oficialmente en marcha, a colaboración da Xunta de Galicia,  da creación dun destino turístico propio dentro das Rias Baixas, sumándose aos xa existentes noutras comarcas.

O texto establece que a xestión do servizo será realizada polo Concello de Ponteareas e incluirá os aspectos materiais, técnicos ou de servizo, sexan estes de solicitude dunha subvención, de tramitación administrativa, instalación, reparación e mantemento de infraestruturas, xestión de persoal e de axudas.

O convenio tamén prevé a consitución dunha comisión mixta con representantes por cada concello e a que poidan asitir técnicos dos mesmos.

 

 

Visita da Directora Xeral de Turismo

Nava Castro  visita o Concello de Arbo e pon en valor a nova sinalización turística da Ruta da Lamprea

A directora de Turismo de Galicia, Nava Castro, xunto co alcalde de Arbo, Horacio Gil, visitaron esta mañá a Ruta da Lamprea no seu paso polo concello para comprobar o resultado da súa nova sinalización turística.

A actuación consistiu na colocación, por unha parte, de sinalización dinámica informativa en estradas, a través de paneis promocionais, e, por outra, de sinalización estática situado ao principio de cada un dos itinerarios e en zonas céntricas ou de máxima afluencia de visitantes dos concellos que albergan a Ruta da Lamprea, a través de paneis interpretativos.

Así, foron instalados por Turismo de Galicia un total de 30 paneis interpretativos e 5 paneis promocionais. Destes, cinco sitúanse no río Tambre, once no río Ulla e dezanove no río Miño.

Con esta sinalización, o dito departamento da Xunta pon en valor esta Ruta da Lamprea, un produto turístico innovador e diferenciador que combina o compendio de recursos que atesoura cada unha das zonas dos tres ríos coa visita a lugares de interese natural e cultural a súa contorna.

Así, a través da mesma pódense descubrir os principais recursos naturais, gastronómicos e culturais destes concellos ao redor dos labores de pesca e a gastronomía deste singular peixe.

Deste xeito, este produto turístico da a coñecer o importante patrimonio que rodea a este peixe e á súa captura, mostrando aos visitantes desde as artes de pesca como as pesqueiras ou as estacadas, ata recursos naturais e culturais, como miradoiros, paseos, pontes ou capelas, entre outros elementos. Así mesmo, a ruta ofrece multitude de restaurantes que permiten degustar este manxar de maneiras moi diversas.

Con todo, a Ruta da Lamprea constitúe un produto turístico que potencia a oferta turística dos dezaoito municipios que integra a través de diversos itinerarios que aglutinan diferentes recursos que conxuntamente constitúen un gran atractivo.

Mellora do entorno fluvial das pesqueiras

Esta sinalización continúa coa aposta de Turismo de Galicia por esta Ruta da Lamprea e este concello tras a mellora do acondicionamento do entorno fluvial das pesqueiras, un dos principais atractivos do curso baixo do río Miño e deste produto turístico.

Estas actuacións contribúen a potenciar o valor destas pesqueiras que constitúen un exemplo vivo da enxeñería popular, do coñecemento do río e dun modelo de pesca sostible que caracteriza a todo o espazo fluvial onde se asentan.

 

Visita do Delegado da Xunta de Galicia

Visita do Delegado Territorial da Xunta de Galicia Jose M Cores Touris  o Concello de Arbo

O delegado territorial da Xunta en Pontevedra, Jose Manuel Cores Touris, realizaou o pasado 5 de decembro unha visita institucional ao Concello de Arbo donde mantivo unha entrevista co alcalde, Horacio Gil Exposito, que lle trasmitiu as principais preocupacións do municipio.

Horacio Gil., trasladou a Cores Touris a demanda de que se likcite canto antes a rotonda da PO-400 no cruce de acceso ao Couto e o núcleo da Vila xa que se trata dunha demanda moi necesaria para este municipio. O alcalde agradeceu a colaboración neste eido da Conselleria de Presidencia, na reforma da rúa Antonia Tovar por 201.000 €.-. Outra solicitude foi a posible axuda económica dende a Administración autonomica para reparar os acceso aos nucleos de poboacikón por dúas estradas en Parabedra e Rocha-Tabiros, así como a reparación da Ponte de San Xoan.

 

Ir á primeira páxina Ir á páxina anterior 

 Ir á páxina seguinte Ir á última páxina


© Concello de Arbo

Plaza Consistorio, 1, 36430 Arbo, Pontevedra

Teléfono contacto: 986 665 000 Fax: 986 665 011