A "Festa da Lamprea” de Arbo, acada o titulo honorífico de “ Fiesta de Interés Turístico Nacional”. 

O Pasado día 19 de Abril, no  Edificio Administrativo da Xunta de Galicia en Pontevedra, foi o lugar elixido para a presentación da Festa da Lamprea do ano 2016, que este ano alcanzou a súa LVI edición e que se celebrou dende o venres 22 ata o domingo 24 de Abril.

Neste evento gastronómico o que acudiu o Alcalde de Arbo, Horacio Gil Expósito e a Directora de Turismo de Galicia, Nava Castro, ademais anunciouse  que por Resolución de 12 de abril de 2016 da Secretaria de estado de Turismo concedéselle a “Festa da Lamprea” de Arbo, o titulo honorífico de “ Fiesta de Interés Turístico Nacional”.

Esta distinción recoñece a antigüidade , arraigo e continuidade da Festa dende 1961 ata a actualidade.

A Festa da Lamprea de Arbo, é a Festa Gastronómica máis emblemática e máis antiga de Galicia, declarada no ano 2005 de Interese Turístico de Galicia, centrase na exaltación deste ciclóstomo do Río Miño que se acompaña do viño da mellor calidade con Denominación de Orixe Rias Baixas.